Daagbook van de Prins

Jammergenog stong now alwer de allerletste van de zes recepties op ut programma! Wat is det snel gegaon! Un gooije rede um d'r nog eine kier un sjoen fiest van te make. 

Beij de Zoes waas ut zoeas gewoenlik wer aafgelaaje vol en erg gezellig. Wie we os door de zaal heen geworsteld heije um aan de receptietaofel te komme, waare we al gauw genog aan de beurt. Auch deze kier heij vorst Maurice wer un leuk weurdje klaor. Daonao koste we prins Nick, Manon en adjudant Chris felicitere. Alles leep good volgens planning, zoedet we nao ut officiele gedeelte nog tied zat heije um te fieste. 

Mit oppe tied un glaas water tussendoor um os stonde te hoije, kwaam det gans good. Unne sauna waas d'r niks beij, mer det makte ut zeker neet minder gezellig. Ut veulde al gans vertrouwd um met os zessen op de buhne te staon, super sjiek! Door alle drukte heen ginge auch deze kier wer unne haup polonaises. Ut waas zelfs zoe druk det miene mantel ut neet overleefd heet. Mer auch det kumt goot, hea is al in de maak.

Langzaam ging ut tege 9 oor aan en stong de bus wer veur os klaor. Wea heije nog wel efkes door kinne fieste, maar good wea moste gaon. Wat vonge wea ut jammer dat dit de letste receptie waas. D'r heije d'r nog veul mooge volge! Now kieke we oeht nao vriedig. Dan zien we nog eine kier mit alle zusterverenigingen beijein. 

Op www.cvdorperkuus.nl staon natuurlik auch foto's van gister. 

Nao un paar eurkes rust waas ut alwer tied veur de volgende activiteit, de receptie in Beringe! Met erg veul zin ginge we in un volle bus mit de raod, kammereuj en angere Egchelse dea kank op. We kwamme in unne sjoen versierde zaal dea al good vol stong mit veul Beringse minse. Veul weurdjes aan de receptietaofel ginge over un mogelijk huweliksaanzeuk van Rene...De brookhaze booije aan um te komme obere as d'r echt un aanzeuk zoe komme. Wea hebbe op os beurt aangebooije um die obers good aan ut werk te hooije! De eine aanbieding nao de angere werd umgeroope....

Ut officiele gedeelte van de receptie waas aafgelaupe, en geliek barstte ut fiest los. De muziek waas erg good verzorgd. D'r waas ginne tied um stil te staon. Mer dao op un gegeave moment werd alles stil gelag en mos Monique nao bove komme. Rene kwaam auch ut podium op en ut waas zoewiet: d'r kwaam echt un aanzeuk!!! De zaal stong oppe kop, geweldig! Now kos ut fiest echt nimmer kapot. 

Mer jammergenog kwaam auch aan deze avond wer un einde. Um 1 oor stong de bus veur os klaor. Nao aafsjied te hebbe genome ginge we in un volgelaaje bus wer truuk nao Egchel. Gelukkig steit merge de volgende receptie wer veur os klaor!

Kiek veur foto's van deze recceptie auch op www.beringsekuus.nl 

Mit un lekker zunke ginge we met un deil man van de raod op weeg nao Venlo. Dao heije we mit de angere prinsen van aod Helje aafgesproke beij un cafeeke. Naodet we d'r irst same unne heije gedronke, waas ut tied veur de foto. Allemaol krege we un nummerke en moste we op de goije plaats gaon staon. Irst un foto waorbeij idderein ut nummer umhoeg mos hoije. 

Onger ut genot van un gezellig muziekske waas ut wachte op de prins van De Jocus. Bliekbaar heij dea gin nummerke nuddig en moog dea altied te laat komme. Oehteindelijk werd de foto genome. Daonao zien we nog mit de prinsen van oad Helje ut cafe in gegaon. Allein de brookhaze koste d'r jammergenog neet beij zien, die heije angere verplichtinge. Dao waas ut nog erg gezellig. Oehteindelijk truuk nao hoes en nog efkes de bein umhoeg um op te laaje vur de receptie van Beringe!

Mit unne kleine kater ging ich manjigmerge met un delegatie van de raod op bezeuk bij de klas van Josine. Dao stonge ze te popele van ongeduld. Wat waare ze beniejd. In de polonaise kwaame we binne, de ganse klas sloot aan.

Daonao kreeg ich unne haup vraoge in de kring. Wie ut waas un prins te zien, wat ich allemaol op en aan heij, wat mien lievelingskleur waas en gank zoe nog maar effe door. Idderein moch natuurlik auch effe de medaille um en aan de veare veule. Maar ja, waor zien die veare eigenlik van?? Un doef, unne haan en zelfs unne cheetah werd geneumd...

As aafsloeting unne polonaise door de ganse sjoel. Mier dan hongerd kinger heij ich achter mich aan. Ut waas erg gezellig!!

Zonnigmiddig om kwart veur 4 stonge we beij Manders paraat um nao Kunningslus te gaon. Mit un good gevulde bus ginge we dea kank op. In unne good gevulde zaal werden we op un gegeave moment nao veur gehaald om Prins Rob, Adjudant Bart, Evelien en Judith un hendje te geave. Wie idderein waas gewees kos ut fiest wer beginne. 

Natuurlijk hebbe we wer polonaises gelaupe. Mer now neet zoemaar, nea met un stukske vlaai in de hank! Det waas nog neet gemekkelik met auch nog unne scepter... De vlaai waas umdet Prins Nick zatterdig en Prins Rene zonnig met de receptie jeurig waare. Gefeliciteerd!! 

Toen we dachte det wea nao hoes moste, kwaame we d'r boehte achter det ut de bus van de Graashook waas. Umdet Prins Fred en prinses Connie zich inens wer jonk veulde en neet van ut springkusse te kriege ware, heije wea nog efkes tiehd um door te fieste in de zaal!

Mer oehteindelik waas ut veur os auch tiehd um te gaon. Beij Manders hebbe nog efkes door gefiest. Ut waas un kei gaaf weekend!

Kiehk veur foto's van dees receptie auch op www.cvdebrookhaze.nl