Daagbook van de Prins

Zonnigmiddig om kwart veur 4 stonge we beij Manders paraat um nao Kunningslus te gaon. Mit un good gevulde bus ginge we dea kank op. In unne good gevulde zaal werden we op un gegeave moment nao veur gehaald om Prins Rob, Adjudant Bart, Evelien en Judith un hendje te geave. Wie idderein waas gewees kos ut fiest wer beginne. 

Natuurlijk hebbe we wer polonaises gelaupe. Mer now neet zoemaar, nea met un stukske vlaai in de hank! Det waas nog neet gemekkelik met auch nog unne scepter... De vlaai waas umdet Prins Nick zatterdig en Prins Rene zonnig met de receptie jeurig waare. Gefeliciteerd!! 

Toen we dachte det wea nao hoes moste, kwaame we d'r boehte achter det ut de bus van de Graashook waas. Umdet Prins Fred en prinses Connie zich inens wer jonk veulde en neet van ut springkusse te kriege ware, heije wea nog efkes tiehd um door te fieste in de zaal!

Mer oehteindelik waas ut veur os auch tiehd um te gaon. Beij Manders hebbe nog efkes door gefiest. Ut waas un kei gaaf weekend!

Kiehk veur foto's van dees receptie auch op www.cvdebrookhaze.nl 

Nao huul efkes thoes oehtgerust te hebbe, stong zatterdigavond de bonte aovend op ut programma! Wat ware we beniejd wat d'r allemaol zou kome. Vooral nao ut optreeije van Chaatje ware we erg beneijd. D'r waas os zoe links en rechts al duudelik gemakt det we d'r aan moste geluive...

Nao un openingsweurdje van vorst Maurice en Joep Verbugt, begos ut al geliek good mit ut irste optreije: unne spetterende openingsdans van de Dansmarietjes. Wat hebben ze wer hel geoefend de aafegelaupe maonden. Lieke, Denise en Jill bedankt! Auch wille we de fanfare bedanke veur de muzikale ondersteuning. Nao de dansmarietjes waas ut de beurt aan Duo vreemd oeht Braobant. Die krege de zaal al good mit met un aantal meijzingers. Auch de nummers 1, 2 en 3 van de liedjeaovend in Egchel leete gedurende de aovend van zich huure! Auch ich mos d'r veur de pauze al aan geluive mit ut optreije van boehkspreaker MR. Boullart. De traone rolde beij ut publiek (en michzelf) over de wange van ut lache. Wat un geweldige act. Same mit Resie Kempen stong ich dao te kiehke. Ut enige wat wea mochte daon, waas de monk oop en toe doon as hea os in de heng kneep. De hilarische tekst verzon hea ter plekke. Ontzettend knap gedaon!

Jan Heffels, Jan Geraedts en Peter Vaassen verzorgden unne prachtige buut. Bijna aan ut eind van de aovend waas ut dan toch de beurt aan Chaat & co, oftewel Twan Gaareman de 2e man van www.egchel.net. Dea gaaf os un rondleiding op de site, waorbeij un aantal filmkes en foto's van diverse Egchelse minse veurbeij kwame. Super sjoen inein gezat. Gelukkig veel ut vur mich mit, ut heij erger gekos :)

As finale kwaam Da ma zoe oeht Horst. Dees zette de zaal gans oppe kop mit un aantal Duitse Schlagers. As letste kwaame alle artieste nao bove en sloote we de aovend mit z'n allen aaf door same met Danny 'Egchels geveul'  te zinge. Daonao kos idderein zich nog un pilske drinke veur in t Erf. Ut waas unne geweldige aovend!! We huure niks as positieve geluide!

Auch dit weekend stonge d'r wer unne haup leuke activiteite klaor! Zatterdigmiddig irst de receptie van de Oelewappers. Same mit de jeugdpins, jeugdprinses en un aantal van de raod, ginge we met auto's naor Kunningslus. In unne zaal vol enthousiaste minse, kwaame we prinses Ilone, vorstin Rachelle en jeugdprins Ritchie felicitere. Erg gezellig det auch natuurlijk de Brookhaze, Beringse Kuus en de Kwast oeht Venlo aanwezig ware! We hebbe wer de nuddige polonaises gelaupe! De dansmarietjes van Kunningslus hebbe nog un spetterend optreije gegeave. Sjoen!

Helaas koste wea neet zoe lang blieve, umdet we 's aoves nog un druk programma heije. Os eige bonte aovend! Leas in ut volgende verslaag wie det is gewees.

Nao unne aovend beijkomme waas ut zondig de beurt aan Kepel. Um kwart vur 4 ginge we mit de bus dea kank op. Toen we binnen kwame koste we in de zaal gaon staon, we werde vanzelf umgeroope um nao veur te koome wie we aan de beurt ware. Allererst un dankweurdje vur aod vorst Twan! Daonao ging vorst Maurice verder mit zien verhaal over prins Pieter. Oei oei, unne 1 april grap dea um aardig in ut zweit heet gewerkt!!!

Wie wea gewees ware, waas de receptie bijna aaf. Daonao ging t fies gewoen verder in unne good gevulde zaal! De DJ dreijde ut eine carnavalsnummer nao ut angere. Prins Pieter veurop en Ellen d'r achteraan samen mit de Jeugdprins en zien adjudanten! Auch alle angere prinse waare natuurlijk van de partij. We begoste d'r met zien zessen al aardig aan te wenne, geweldig! Zie www.kuus-oeht-kepel.nl

Maar, auch aan deze aovend kwaam helaas un einde. Tege 9 oor ging we wer truuk nao Egchel. Auch dao hebben we ut nog gezellig gehad. Noets gewete desse mit unne wc borstel, un feyenoord vlag en unne fiets zo'n lol kins hebbe!!

We heije wer un leuk weekend veur de boeg. Det begos mit carnaval van Jong Nederland Egchel beij Manders. Wie we met unne polonaise de zaal binnen kwame, begos ut programma mit de jongste groepen. De naam van de neije groep werd onthuld: de Lions!! Vervolgens moste de groepe ut tege elkaar opneme door middel van un aantal leuke, grappige, lekkere spellen. Spijkerpoepen, negerzoen happen, ballonnen blaoze en gank zoe maar door. Ut waas erg leuk inein gezat door de organisatie. As klap op de veurpiel kwame de neije heersers van JN auch oeht. Door un umschrieving woord ut in de zaal duudelik weem ut waas. Eindelijk hoofde ze zich nimmer in te hoije: prins Max en prinses Robin!! Wat sjiek! Wea winse uch hiel veul plezeer.

Wie de kleinste groepe nao hoes ware, waas ut de beurt aan de groëte groepe en de raod van elf. Auch die moste d'r aan geluive, d'r werd gestrede vur un enorme sjaol snacks! Det leet neemes zich twië kier zegge, ut ging hel tege hel. Auch ich waas uitverkore beij un spel. Naodet ich mich ontdaon heij van miene mantel, steek, medailles en scepter waas ich d'r klaor vur. Kroepend over de gronk mit ut wattesjiefke tege de luppe aan gezoge kos ich ut toch net neet winne van de jeugd. De winnaar van de aovend mos oehteindelijk beslote door un moeilijke rekesom. Dit ging tusse twie groepe, waoronger de raod. Laot os now ut geluk hebbe det wea Jack Joosten beij de raod hebbe, dea makse met rekene niks wies! En jao, de bitterballen kwaame ozze kank op.

Jong Nederland, bedankt vur deze gezellige aovend! Kiek vur foto's auch op www.jongnederlandegchel.nl